صدر زرداری سے آرمی چیف جنرل کیانی‘ پاک فضائیہ کے سربراہ طاہر رفیق کی ملاقات
اسلام آباد (آئی این پی+اے پی ٹی) صدر مملکت اور مسلح افواج کے کمانڈر انچیف آصف علی زرداری سے چیف آف آرمی سٹاف جنرل اشفاق پرویز کیانی اور چیف آف ائر سٹاف ائیر چیف مارشل طاہر رفیق بٹ نے عید کے روز ایوان صدر میں ملاقات کی اور انہیں عید کی مبارکباد دی۔ اس موقع پر آرمی چیف اور پاک فضائیہ کے سربراہ نے صدر سے باہمی دلچسپی کے امور پر تبادلہ خیال کیا۔ صدر نے بھی انہیں عید کی مبارکباد دی۔
