82 حجاج کرام لاہور پہنچ گئے، باقاعدہ پرواز کل آئے گی
لاہور (خبرنگار) پی آئی اے کے چیئرمین اور سیکرٹری دفاع لیفٹیننٹ جنرل (ر) آصف یٰسین جدہ ائرپورٹ پر پاکستانی حجاج کرام کیلئے کئے گئے انتظامات کا جائزہ لینے کیلئے گذشتہ روز جدہ چلے گئے۔ وہ آج جدہ ائرپورٹ پر پاکستانی حجاج کرام کی واپسی کیلئے کئے گئے انتظامات کا جائزہ لیں گے اور کل (بدھ) کو صبح چار بجکر 25 منٹ پر پی کے 760 کے ذریعے جدہ سے لاہور واپس پہنچیں گے۔ لاہور پہنچنے کے بعد وہ لاہور پہنچنے والی پہلی حج پرواز کے مسافروں کا استقبال کریں گے۔ گذشتہ روز سعودی ائرلائنز کی معمول کی پرواز پر 82 حجاج کرام لاہور پہنچے۔
