جنڈیالہ شیر خان (نامہ نگار) نواحی قصبہ بیرہ ورکاں میں دو گروپوں کے درمیان لڑائی کے نتیجہ میں ایک شخص قتل جبکہ متعدد افراد زخمی ہو گئے۔ گزشتہ روز محمد طارق حسین اور آصف ندیم اور ساتھیوں کے مابین معمولی تلخ کلامی ہو گئی جس پر ملزمان نے طیش میں آ کر اندھا دھند فائرنگ کر کے مقتول محمد طارق حسین کو موت کے گھاٹ اتار دیا جبکہ تھانہ صدر پولیس نے مقتول کے بھائی محمد حسین کی درخواست پر ملزمان کے خلاف مقدمہ درج کر لیا ہے۔