شرقپور شریف (نامہ نگار) پاکستان تحریک انصاف کے مرکزی رہنما پولیٹیکل سٹرٹیجی کمیٹی کے ممبر ملک ایاز سرفراز نے عید ملن پارٹی سے کارکنوں سے خطاب کرتے ہوئے کہا کہ عیدالاضحٰی مسلمانوں کو ایثار و قربانی کا درس دیتی ہے غریب اور بے سہارا لوگوں کی ایسے مواقع پر مدد کرنا زندگی کا بیش قیمت لمحہ ہوتا ہے۔ عیدالاضحٰی پر مستحقین کو اپنی خوشیوں میں شریک کرنیوالوں پر اللہ تعالیٰ کی خاص رحمت ہوتی ہے۔ عیدالاضحٰی کے پرمسرت موقع پر مخیر حضرات کو غربا و مساکین کو یاد رکھنا چاہئے ہر مسلمان کو اپنے اردگرد ضرورت مند اور مستحق بھائیوں کا خاص خیال رکھنا چاہئے۔