ٹریفک حادثات میں 5 افراد زخمی
ننکانہ صاحب (نامہ نگار) ٹریفک کے تین مختلف حادثات میں دو خواتین سمیت پانچ افراد شدید زخمی ہو گئے۔ موضع محمود پورہ کا محمد زمان انصاری اپنی 12سالہ ہمشیرہ رابعہ اور اپنی عزیزہ 10سالہ شمیم کے ساتھ موٹر سائیکل پر سوار ہوکر بچیکی جا رہا تھا جب وہ انٹی کرپشن آفس کے قریب پہنچا تو نامعلوم کار کی ٹکر سے موٹر سائیکل پر سوار رابعہ اور شمیم شدید زخمی ہو گئیں دریں اثناءننکانہ ویلکم گیٹ کے قریب ایک تیز رفتار موٹر سائیکل پھسل جانے کے باعث موٹر سائیکل پر سوار 26سالہ اویس رضا اور 28سالہ انیس امین شدید زخمی ہوگئے علاوہ ازیں ریسکیو آفس ننکانہ صاحب کے قریب سائیکل سے گر کر 80 سالہ امام دین شدید زخمی ہو گیا۔
