فیروزوالا (نامہ نگار) گھریلو جھگڑے پر 2 بھائیوں نے ڈنڈوں کے وار کر کے اپنے بہنوئی کو ہلاک کر دیا۔ تفصیلات کے مطابق کوٹ عبدالمالک کے علاقہ جمال ٹاﺅن کے عبدالقیوم خان اور فیصل کی بہن گزشتہ روز اپنے سسر نذر خان سے جھگڑ کر میکے چلی گئی تو عبدالقیوم، فیصل خان اپنے رشتہ دار کے ہمراہ اس کے سسرال کے گھر گھس گئے اور نذر خان پر حملہ کر دیا۔ عبدالکریم خان نے باپ کو بچانے کی کوشش کی تو ملزموں نے ڈنڈے اسکے سر پر مار ڈالے جس کے نتیجہ میں عبدالکریم دم توڑ گیا۔ فیکٹری ایریا پولیس نے ملزموں کے خلاف مقدمہ درج کر لیا۔