لاہور (سپورٹس رپورٹر) پاکستان کبڈی ٹیم کے سجاد گجر، مشرف جاوید، صدیق بٹ اور عبید اﷲ نے توقع ظاہر کی ہے کہ ایشیا کپ ٹورنامنٹ میں قومی ٹیم عوام کو خوشیاں مہیا کرئے گی۔ پنجاب سٹیڈیم میں پریکٹس کے موقع پر میڈیا سے گفتگو کرتے ہوئے ان کا کہنا تھا کہ تمام کھلاڑیوں نے اہم ٹورنامنٹ کے لئے سخت محنت کی ہے، انشااﷲ قوم کو اچھے نتائج دینے کی کوشش کرینگے۔ ایک عرصہ کے بعد اپنی سرزمین پر غیرملکی ٹیموں کے خلاف جوہر دکھانے کا موقع مل رہا ہے قومی ٹیم کی کامیابی میں اہم کردار ادا کرنے کی کوشش کروں گا۔ تمام کھلاڑی مکمل فٹ ہیں فیڈریشن نے ایونٹ کی تیاری کے لئے تمام سہولیات مہیا کی ہیں۔