کراچی (این این آئی) پاکستان کرکٹ ٹیم کے سابق کوچ اور اوپنر محسن حسن خا ن نے کہا ہے کہ پی سی بی نے ہر شعبے کے الگ الگ کوچز مقرر کر لئے ¾واٹ مور کا کردار کیا ہوگااور وہ کیا کرینگے۔ ایک انٹرویو میںسابق چیف سلیکٹر نے کہا کہ میرے دور میں پاکستان کی بیٹنگ لائن میں اظہر علی اور اسد شفیق کی کارکردگی میں نمایاں بہتری آئی۔ مجھے یہ بات کہنے میں خوشی اور فخر ہے کہ میں نے ان کھلاڑیوں کو ذہنی طور پر مضبوط بنایا۔ واٹ مور کو پاکستان ٹیم کا ہیڈ کوچ بناتے وقت کہا گیا تھا کہ وہ بیٹنگ کوچ بھی ہیں۔ اب اچانک پی سی بی نے بیٹنگ کوچ کا عہدہ مشتہر کرکے اپنا پلان تبدیل کیا ہے۔