شیخوپورہ (نامہ نگار خصوصی) پنجاب یوتھ فیسٹیول میں شیخوپورہ کالج آف کامرس نے آل پنجاب باڈی بلڈنگ میں پہلی پوزیشن لے کر گولڈ میڈل حاصل کر لیا۔ وزیراعلیٰ پنجاب کے پنجاب یوتھ فیسٹیول میں کالج کے طلباءو طالبات نے ضلع بھر میں کل 26 پوزیشنز حاصل کیں اور لاہور ڈویژن کے بعد پنجاب کے مقابلہ جات میں بھی سرفہرست رہا۔ کالج کے طالب علم محمد عدنان نے انگریزی تحریری مقابلہ جات میں دوسری پوزیشن اور محمد شہزاد نے باڈی بلڈنگ میں پہلی پوزیشن جبکہ کالج کی ہونہار طالبہ صباءفاروق نے بی کام کے سالانہ امتحان2012ءمیں586نمبر لے کر ضلع بھر میں پہلی پوزیشن حاصل کی۔ اس طرح شیخوپورہ کالج آف کامرس کھیلوں کے ساتھ ساتھ تعلیم کے میدان میں بھی سرفہرست رہا۔