اسلام آباد (نوائے وقت رپورٹ) سپیکربھارتی لوک سبھا میرا کمار نے کہا ہے کہ وزیراعظم منموہن سنگھ پاکستان ضرور آئیں گے، وہ دورہ پاکستان کی خواہش رکھتے ہیں۔ صدرآصف علی زرداری نے من موہن سنگھ کو تہران میں پاکستان آنے کی دعوت دی تھی۔ نجی ٹی وی سے گفتگو کرتے انہوں نے کہا کہ دورے کی تاریخ نہیں بتا سکتی۔ فہمیدہ مرزا کو سارک سپیکرز کانفرنس کی سربراہی پر مبارکباد دیتی ہوں، فیض احمد فیض، احمد فراز اور کشور ناہید پسندیدہ شاعر ہیں۔