لاہور (سپورٹس رپورٹر) پاکستان کرکٹ بورڈ کے زیر اہتمام جاری پریذیڈنٹ کپ گریڈ ون ٹورنامنٹ کے چوتھے مرحلے میں نیشنل بنک نے پورٹ قاسم کی ٹیم کو سنسنی خیز مقابلے کے بعد 2 وکٹوں سے ہرا دیا۔ قذافی سٹیڈیم لاہور میں کھیلے جانے والے میچ کے تیسرے روز نیشنل بنک کی ٹیم کو جیت لیے 131 رنز درکار تھے جبکہ اس کی 8 وکٹیں باقی تھیں۔ نیشنل بنک نے عمیر خان اور قیصر عباس کی نصف سنچریوں کی بدولت ہدف 8 وکٹوں کے نقصان پر پورا کر کے میچ 2 وکٹوں سے جیت لیا۔ عمیر خان نے 54 جبکہ فیصر عباس نے ناقابل شکست 52 رنز بنائے اور اپنی ٹیم کی جیت میں مرکزی کردار ادا کیا۔ پورٹ قاسم کی جانب سے دوسری اننگز میں تنویر خان نے 100 رنز کے عوض پانچ کھلاڑیوں کو آوٹ کیا۔