حافظ آباد+ ننکانہ صاحب (نامہ نگار+ نمائندہ نوائے وقت) ٹرالر کی ٹکر سے موٹر سائیکل سوار میاں بیوی جاں بحق، ایک شخص شدید زخمی ہو گیا۔ تفصیلات کے مطابق ننکانہ صاحب کے نواحی گاﺅں بہاول کوٹ کا نذیر احمد اپنی بیوی زینب بی بی اور اپنے ایک دوست افضل ملک کے ساتھ موٹر سائیکل پر بیوی کو دم کرانے کے لئے حافظ آباد گیا جہاں وہ ایک تیز رفتار ٹریلر کے ساتھ ٹکرا گئے۔ نذیر احمد اور اس کی بیوی موقع پر جاں بحق جبکہ افضل ملک شدید زخمی ہو گیا۔