باغبانپورہ: 3 منشیات فروش گرفتار 100 بوتل شراب، آلات کشید برآمد
لاہور (نامہ نگار) باغبانپورہ پولیس نے شراب تیار کرنے والے تین افراد کو گرفتار کر کے ان کے قبضہ سے شراب کی 100 بوتلیں، چار گیلن اور شراب کی تیاری میں استعمال ہونے والا سامان قبضہ میں لے لیا ہے۔ بتایا جاتا ہے کہ ایس ایچ او باغبانپورہ مظہر اقبال نے شادی پورہ میں ایک گھر میں چھاپہ مار کر جعلی شراب کی تیاری میں مصروف ملزمان پرویز مشتاق عرف پیجا، عارف اور عرفان مسیح کو گرفتار کر کے ان کے قبضے سے 100 بوتل شراب، چار گیلن کے علاوہ شراب کی تیاری میں استعمال ہونے والے آلات قبضہ میں لے کر ملزمان کے خلاف مقدمہ درج کر لیا ہے۔ ایس ایچ او مظہر اقبال کے مطابق ملزمان سابقہ ریکارڈ یافتہ ہیں اور وہ جیل سے باہر آ کر دوبارہ زہریلی شراب کی تیاری میں مصروف ہو جاتے تھے۔
