فیروزوالا (نامہ نگار) 7 وارداتوں میں شہری لاکھوں کی نقدی، زیورات، قیمتی سامان سے محروم ہو گئے جبکہ مزاحمت پر غیرملکی خاتون زخمی ہو گئی۔ تفصیلات کے مطابق ریان پور میں نامعلوم چوروں نے کریانہ سٹور کے تالے کاٹ کر ڈیڑھ لاکھ روپے نقد اور دیگر سامان چوری کر لیا۔ مہتہ تریڈا میں مسلح افراد نے بیرون ملک جانے والے عمران علی، مدوکے میں ڈاکوﺅں نے تنویر مسیح کے اہل خانہ کو یرغمال بنا کر زیورات، نقدی لوٹ لی گئی۔ سگیاں میں آصف اور بیگم کوٹ میں اللہ رکھا کی موٹر سائیکلیں چوری ہو گئیں۔ جی ٹی روڈ شاہدرہ کے قریب ڈاکوﺅں نے چینی موٹر سائیکل سوار خاتون سے پرس چھین لیا۔ ہاتھا پائی کے دوران خاتون موٹر سائیکل سے گر کر زخمی۔ بنگلہ سکھانوالہ کے قریب تین ڈاکوﺅں نے گن پوائنٹ پر جواد احمد اور اسکے سگے بھائی کو روک کر لوٹ لیا۔ پولیس سرکل فیروزوالا نے مقدمہ درج کر لیا ہے۔