لندن (این این آئی) لندن میں سابق عالمی نمبر ایک امریکی سائیکلسٹ آرمسٹرانگ کے خلاف احتجاج کیا گیا اور ان کا پتلا جلا دیا گیا۔انگلینڈ کے شہر ایڈن بریج میں امریکی سائیکلسٹ آرمسٹرانگ کا پتلا جلا کر رات کا جشن منایا۔ جوشیلے نوجوان مداحوں نے برطانیہ کی تاریخی شخصیت گائے فوکس کے ساتھ اپنے فیورٹ سائیکلسٹ کا پتلا رکھا۔ شائقین نے لانس آرمسٹرانگ کو دھوکہ دینے کے الزام پر سزا کے طور پر اس کا پتلا جلایا۔ سات بار کے ٹور ڈی فرانس چیمپئن لانس آرمسٹرانگ کے دھوکہ دینے کے الزام ثابت ہونے پر امریکہ کی اینٹی ڈوپنگ ایجنسی نے ان سے تمام ٹائٹلز واپس لے لئے تھے۔