پریذیڈنٹ ٹرافی کرکٹ ٹورنامنٹ کا چھٹا مرحلہ 8 نومبر سے شروع ہوگا
اسلام آباد (اے پی پی) پریذیڈنٹ ٹرافی کرکٹ ٹورنامنٹ کے چھٹے مرحلے کا آغاز 8 نومبر سے ہوگا۔ تفصیلات کے مطابق پریذیڈنٹ ٹرافی میں ادارہ جاتی ٹیموں کے درمیان دلچسپ اور کانٹے دار مقابلوں کا سلسلہ ملک بھر میں جاری ہے، ایونٹ کے چھٹے مرحلے کے میچز 8 نومبر سے ملک کے مختلف گراﺅنڈز میں شروع ہوں گے۔ پی آئی اے اور زرعی ترقیاتی بنک (زیڈ ٹی بی ایل) کے درمیان میچ ڈائمنڈ کرکٹ گراﺅنڈ، اسلام آباد میں کھیلا جائے گا، نیشنل بنک اور سٹیٹ بنک کی ٹیمیں قذافی سٹیڈیم، لاہور میں نبرد آزما ہوں گی، کے آر ایل اور حبیب بنک کے درمیان میچ خان ریسرچ لیبارٹری، راولپنڈی میں کھیلا جائے گا۔
