پاکستان میں انٹرنیشنل بیس بال ٹورنامنٹ 8 نومبر کو شروع ہو گا
لاہور (سپورٹس رپورٹر) پنجاب انٹرنیشنل بیس بال ایونٹ میں شرکت کے لئے سری لنکا کی ٹیم لاہور پہنچ گئی جبکہ دوسری جانب پاکستان بیس بال فیڈریشن نے چار ملکی انٹرنیشنل ٹورنامنٹ کے شیڈول کا اعلان کر دیا۔ ٹورنامنٹ میں میزبان پاکستان کے علاوہ نیپال، سری لنکا اور افغانستان کی ٹیمیں حصہ لیں گی۔ افتتاحی میچ پاکستان اور افغانستان کی ٹیموں کے درمیان 8 نومبر کو کھیلا جائیگا۔ دوسرا میچ 9 نومبر کو سری لنکا اور نیپال کے درمیان ہوگا۔ 10 نومبر کو پاکستان نیپال کے مدمقابل ہوگا۔ 11 نومبر کو سری لنکا افغانستان، 12 نومبر کو نیپال افغانستان جبکہ 13 نومبر کو پاکستان اور سری لنکا کی ٹیمیں ایک دوسرے کے مدمقابل ہونگی۔
