نیوزی لینڈ کرکٹ ٹیم کے کپتان روس ٹیلر اور اینڈریو ایلس ڈی ہائیڈریشن کا شکار ہو گئے
پالے کیلی (اے پی پی) نیوزی لینڈ کرکٹ ٹیم کے کپتان روس ٹیلر اور اینڈریو ایلس ہائیڈریشن کا شکار ہو گئے، دونوں کھلاڑیوں کو مقامی ہسپتال میں علاج کے بعد فارغ کر دیا گیا، روس ٹیلر تیسرے ون ڈے میچ کے لئے دستیاب ہوں گی جبکہ اینڈریو ایلس کی شرکت مشکوک ہے۔ نیوزی لینڈ اور سری لنکا کے درمیان تیسرا ون ڈے میچ (آج) منگل کو کھیلا جائے گا۔ نیوزی لینڈ کرکٹ ٹیم کے کوچ مائیک ہیسن نے بتایا کہ اینڈریو ایلس کی طبیعت تسلی بخش نہیں، انہیں ڈاکٹرز نے مکمل آرام کا مشورہ دیا ہے، انہوں نے کہا کہ روس ٹیلر مکمل طور پر فٹ ہیں اور وہ میچ کے لئے دستیاب ہوں گے تاہم اینڈریو ایلس کی شرکت کا فیصلہ میچ سے قبل کیا جائے گا۔ واضح رہے کہ برینڈن میک کلم کی بھی فٹنس مسائل کی وجہ سے تیسرے ون ڈے میچ میں شرکت مشکوک ہے۔
