تعمیر و مرمت کے نام پر درجنوں فیڈر بند /12 گھنٹے تک بجلی بند
لاہور (نیوز رپورٹر) لیسکو حکام نے تعمیر و مرمت کے نام پر درجنوں فیڈر بند کرنے کا سلسلہ تیز کر دیا۔ جس کے بعد متاثرہ علاقوں میں 12 گھنٹے تک بجلی بند ہونا معمول بن گیا۔ تفصیلات کے مطابق لیسکو حکام نے شہر کے مختلف علاقوں میں تعمیر و مرمت کا سلسلہ شروع کر رکھا ہے۔ گزشتہ روز بھی لاہور میں اقبال ٹاﺅن (گلشن بلاک) سبزہ زار، سکیم موڑ، اتحاد کالونی، سمن آباد، یتیم خانہ اور گلشن راوی کے 60 سے زائد فیڈرز بند رہے۔ جس کی وجہ سے شہریوں کو شدید مشکلات کا سامنا کرنا پڑا۔
