استنبول (اے ایف پی) اسرائیل کے 4 فوجی جرنیلوں کے خلاف استنبول میں ٹرائل شروع ہو گیا ہے، یہ ٹرائل غزہ جانے والے ترکی کے بحری جہاز پر 2010ءمیں انسانیت سوز حملے پر شروع کیا گیا، 4 جرنیلوں پر ان کی غیر حاضری میں مقدمہ چلایا جا رہا ہے۔ مقدمہ کی سماعت کے موقع پر ترکی بھر سے سینکڑوں افراد عدالت کے باہر اکٹھے ہو گئے اور انہوں نے اسرائیل مردہ باد کے نعرے لگائے، مظاہرین نے فلسطینی پرچم بھی اٹھا رکھے تھے۔ پراسیکیوٹرز نے 4 اسرائیل جرنیلوں کو عمر قید کی سزا سنانے کی درخواست کی ہے۔