لاہور(نمائندہ خصوصی) لاہورمیں ڈاکوﺅں نے شہریوں سے لاکھوں روپے مالیت کے طلائی زیورات، نقدی، موبائل فون اور دیگر سامان لوٹ لیا۔ ڈاکووں نے اچھرہ شیرشاہ کالونی میں عبدالرشید کے اہل خانہ کو رسیوں سے باندھ کر 31لاکھ روپے مالیت کے زیورات اور نقدی لوٹ لی عبدالرشید کے مطابق اس نے نقدی اور زیورات بیٹی کی شادی کے لیے رکھے ہوئے تھے، مصری شاہ سلطان پورہ میں محمد رضوان کے گھر سے 24لاکھ، مصطفی آباد میں شبیر کے گھر سے19لاکھ 30ہزارروپے ، گجرپورہ میں حاجی خالد کے گھر سے18لاکھ، ہنجروال میںکاشف مغل کے گھرسے10لاکھ 20ہزار، مانگا منڈی میں شفیق احمد کے گھر سے 16لاکھ،کاہنہ میں ارشد کے گھر سے 15لاکھ، باٹاپور کے علی کے گھر سے 10لاکھ، شفیق آباد میں نیامت کے گھر سے 13لاکھ، شمالی چھاﺅنی گلدشت ٹاﺅن میں آصف کے گھر سے11لاکھ،گلشن راوی میں مرتضیٰ کے گھر سے 6لاکھ، شادباغ میںاکرم کے گھر سے 8لاکھ،کوٹ لکھپت میں سلیم کے گھر سے 7 لاکھ، ماڈل ٹاﺅن میںاشرف کے گھر سے 6 لاکھ روپے مالیت کے زیورات، نقدی لوٹ لی گئی۔ ڈیفنس کے علاقے مےں شفیق بٹ کے گھر سے5لاکھ، مصری شاہ مےں شاہد بٹ کے گھر سے14لاکھ، ڈیفنس بی مےں اصغر سے 3 لاکھ روپے مالیت کی نقدی، زیورات اور دیگر سامان چوری ہو گیا، لوئرمال کے علاقے مےں محبوب سے دس ہزار نقدی اور موبائل فون، قلعہ گجرسنگھ میں یاسر سے پچاس ہزارروپے اور موبائل فون چھین لیا گیا، گجرپورہ مےںحیدر کی دکان سے 4لاکھ کے نقدی، پرائز بانڈ چور ی ہو گئے، مصطفی آباد مےں شکیل، گڑھی شاہو مےں وحید، باٹاپور مےں عابد، قلعہ گجر سنگھ سے حبیب کی موٹرسائیکلیں جبکہ ڈیفنس سے ڈاکٹرشکیل، اقبال ٹاﺅن سے منیر، جوہرٹاﺅن سے شہاب، گارڈن ٹاﺅن سے قدیر کی گاڑیاںچوری کرلی گئیں۔