واشنگٹن (آئی این پی) امریکی صدارتی امیدواروں سے نفرت کا اظہار کرنے کیلئے امریکی منچلوں نے انوکھی مہم شروع کر دی۔ امریکہ میں دونوں صدارتی امیدواروں کی حمایت میں جہاں مختلف انداز اپنائے گئے، تو نفرت کا پیمانہ جانچنے کیلئے امریکی منچلوں نے چیونگم پھینکنے کا انوکھا مقابلہ بھی کیا۔ مختلف شہروں میں ہوٹلوں پر پوسٹر آویزاں کئے گئے تاکہ لوگ اپنی چیونگم امیدوار کی تصویر پر لگا کر اپنی نفرت کا اظہار کریں۔ اس مقابلے میں صدارتی امیدوار مٹ رومنی کو تقریباً تمام شہروں میں برتری حاصل رہی۔ لوگ چیونگم چبانے کے بعد ان کی تصویر پر چپکا دیتے تھے۔