لاہور ( سپورٹس رپورٹر ) پنجاب جوڈو ایسوسی ایشن کے زیر اہتمام انٹرنیشنل جوڈو کلینک لاہور میں شروع ہوگیا۔افتتاحی تقریب میں جوڈو کے جاپانی ماہر ہیتوشی سوگائی نے کلینک میں شریک سٹوڈنٹس کو عملی تربیت دی ۔ ایسوسی ایشن کے صدر محمود نوید نے بتایاکہ ہیتوشی سگائی کھلاڑیوں کے علاوہ کوچز کو بھی تربیت دیں گے جس سے کھیل کے فروغ میں مدد ملے گی۔ ہیتوشی سگائی نے کہا کہ پاکستان میں جوڈو کا عمدہ ٹیلنٹ ہے بہتر رہنمائی اور تربیت سے یہ کھلاڑی انٹرنیشنل لیول پر عمدہ کارکردگی کا مظاہرہ کرسکتے ہیں۔