لاہور (آئی این پی) پاکستان کرکٹ ٹیم کے آل راﺅنڈ شاہد خان آفریدی نے کہا ہے کہ صرف بالرز اور فیلڈر ہی نہیں بلکہ بطور بیٹسمین بھی کامیابی کا لوہا منواتا رہوں گا‘ کچھ میچوں میں ناقص کارکردگی سے بہت کچھ سیکھا ہے آئندہ ایسا نہیں ہونے دوں گا۔ کوئی کھلاڑی فٹ ہے یا ان فٹ اس کا فیصلہ کوئی اور نہیں وہ خود ہی کر سکتا ہے۔ کچھ لوگ اب مجھے صرف اچھا بالر اور فیلڈر سمجھتے ہیں لیکن میں اچھا بیٹسمین بھی ہوں دو چار میچوں میں ناقص کارکردگی سے کچھ سابق کھلاڑیوں کا مجھے بیٹنگ لسٹ سے نکال دینے کا مشورہ دینا ناانصافی ہو گی۔ شائقین کی امنگوں کے مطابق کارکردگی دکھاﺅں گا۔