سڈنی (آن لائن) جنوبی افریقہ سے ٹیسٹ سیریز جیتنے کیلئے آسٹریلیا کرکٹ ٹیم کا بنایا گیا خفیہ فارمولا کا انکشاف ہوا ہے۔ میڈیا رپورٹس کے مطابق آسٹریلین اخبار نے ایک رپورٹ شائع کی ہے جس میں بتایا گیا ہے کہ آسٹریلیا کرکٹ ٹیم نے جنوبی افریقہ کو ٹیسٹ سیریز ہرانے کیلئے ایک خفیہ گیم پلان ترتیب دیا ہے جس کے مطابق آسٹریلیا ہاشم آملہ کو قابو کرنے کیلئے ان پر زبانی حملے کرکے ان کو ذہنی ڈسٹرب کرے گا جبکہ کیلس کو باﺅنسرز کر کے کنٹرول کیا جائے گا۔ گیم پلان میں ہاشم آملہ کو زیادہ سے زیادہ شارٹ بالز کرانے بھی شامل ہیں جبکہ جنوبی افریقی ٹیم کے کپتان گریم سمتھ کو ایل بی ڈبلیو آﺅٹ کرنے کیلئے زیادہ سے زیادہ فل پچ گیندیں کرائی جائیں گی۔