نیشنل ویمن کراٹے چیمپئن شپ، واپڈا کی سہیلہ کی پہلی پوزیشن
خلاہور (سپورٹس رپورٹر) شہید بینظیر بھٹو 8 ویں نیشنل ویمن کراٹے چیمپئن شپ لاہور میں شروع ہو گئی۔ گورنر پنجاب سردار لطیف کھوسہ چیمپئن شپ کی افتتاحی تقریب کے مہمان خصوصی تھے جنہوں نے چیمپئن شپ کے آغاز کا اعلان کیا۔ پہلے روز دو ایونٹس کے مقابلے ہوئے۔ انفرادی کاتا میں واپڈا کی سہیلہ نے پہلی، سندھ کی عارفہ نے دوسری جبکہ آرمی اور بلوچستان کی کھلاڑیوں نے تیسری پوزیشن کے ساتھ برانز میڈل اپنے نام کیا۔ ٹیم کاتا ایونٹ میں واپڈا نے پہلی، بلوچستان نے دوسری جبکہ آرمی نے تیسری پوزیشن حاصل کی۔
