میا نمار،پٹٹری سے اترنے پر ٹرین میں آگ لگ گئی 27 افراد ہلاک
ینگون (آئی این پی )برما میں تیل لے جانے والی ٹرین پٹڑی سے اترنے کے باعث آگ لگ گئی جس کے نتیجے میں 27 افراد ہلاک اور80 زخمی ہوگئے، زخمیوں کی حالت تشویشناک ہے تفصیلات کے مطابق برماکے مرکزی شہرمنڈالے سے ٹرین میکتیانہ جارہی تھی کہ پٹڑی سے اترگئی، جس کے بعد آئل ٹینکرز میں آگ لگ گئی جس نے دیکھتے ہی دیکھتے ٹرین کو اپنی لپیٹ میں لے لیا۔ آگ لگنے سے ستائس افراد ہلاک اوراسی زخمی ہوگئے۔حادثے کے بعد تیل جمع کرنے کے لیے مقامی افراد جمع ہوگئے، لوکل میڈیا کےمطابق ہلاک ہونے والے افراد میں سے کئی کاتعلق مقامی آبادی سے بتایا جاتا ہے۔
