لاہور (سپورٹس رپورٹر) شہید بے نظیر بھٹو 8 ویں نیشنل ویمن کراٹے چیمپئن شپ 2012ءکا ٹائٹل واپڈا کی ٹیم نے جیت لیا ہے۔ واپڈا کی ٹیم نے چیمپئن شپ میں 6 گولڈ اور 2 برانز میڈلز کے ساتھ مجموعی طور پر 160 پوائنٹس حاصل کر کے پہلی جبکہ آرمی کی ٹیم نے 3 گولڈ، 3 سلور اور 3 برانز میڈلز کے ساتھ 120 پوائنٹس حاصل کر کے دوسری پوزیشن حاصل کی۔ بلوچستان 65 پوائنٹس کے ساتھ تیسرے نمبر پر رہا بلوچستان کی ٹیم نے ایک سلور اور پانچ برانز میڈل جیتے۔ چیمپئن شپ کی اختتامی تقریب کے مہمان خصوصی لیفٹیننٹ جنرل (ر) عارف حسن تھے جنہوں نے کامیاب ٹیموں اور کھلاڑیوں میں میڈلز اور ٹرافیاں تقسیم کیں۔