ٹریفک حادثات میں 4 افراد زخمی
ننکانہ صاحب (نامہ نگار) ٹریفک کے تین مختلف حادثات میں چار افراد شدید زخمی ہو گئے۔ ننکانہ بچیکی روڈ پر واقع کوٹ غلام رسول کے قریب ایک تیز رفتار موٹر سائیکل پھسل جانے کے باعث 50 سالہ محمد امین اور 65 سالہ سلیمان شدید زخمی ہو گئے دریں اثناءنواحی قلعہ شبدیو سنگھ کے قریب ایک تیز رفتار وین کی ٹکر سے 40 سالہ عبدالرشید شدید زخمی ہو گیا علاوہ ازیں نواحی قصبہ بچیکی کے قریب ایک تیز رفتار موٹر سائیکل بے قابو ہو کر گدھا ریڑھی کے ساتھ ٹکرا گئی جس کے نتیجہ میں موٹر سائیکل پر سوار 35 سالہ محمد اسلم شدید زخمی ہو گیا۔
