جنڈیالہ شیر خان (نامہ نگار) صاحبزادہ غلام مرتضیٰ شازی نے کہا ہے کہ یہود وہنود اب بھی خبردار ہوجائیں گے آنحضور کسی انسان کے نہیں بلکہ اللہ رب العزت کے سب سے پسندیدہ بندے تھے اگر امریکہ نے سینڈی طوفان سے اب بھی سبق نہ سیکھا تو یہ دنیا کے نقشہ پر نہیں رہےگا کیونکہ آنحضور پوری کائنات کیلئے ہدایت کاروشن مینار کی حیثیت رکھتے ہیں ان کی تعلیمات اور ان کی زندگی ہمارے لیے مشعل راہ ہے جس کی تصدیق ہر جگہ پر قرآن پاک خود کر رہا ہے مگر عالم کفر نے آپ اور قرآن پاک کی بے حرمتی کا جو سلسلہ شروع کر رکھا ہے وہ عالم اسلام کے ساتھ ساتھ اللہ تعالیٰ کی ناراضگی کا موجب ہے ان خیالات کا اظہار انہوں نے میڈیا سے گفتگو کرتے ہوئے کیا انہوں نے کہاکہ امریکہ اور امریکی تاریخ کا سب سے بڑا طوفان گستاخانہ فلم کی ریلیزنگ اور اس پر بڑی ڈھٹائی پر ڈٹے رہنے پر اللہ تعالیٰ کی طرف سے ناراضگی کا اظہار ہے۔