لاہور (سپورٹس رپورٹر) چوتھا انڈر 19 ریجنل انٹرڈسٹرکٹ ویمن کرکٹ ٹورنامنٹ 2012ءکنیئرڈ کلب نے جیت لیا ہے۔ ریس کورس پارک میں کھیلے جانے والے فائنل میچ میں کنیئرڈ کلب نے راوی کلب کو 44 رنز سے مات دی۔ اس میچ میں کنیئرڈ کلب نے پہلے کھیلتے ہوئے 158 سکور بنائے۔ عائشہ ناز 63، فریحہ محمود 29 اور حفصہ امجد نے 28 نمایاں رنز بنائے۔ جواب میں راوی کلب کی ٹیم مقررہ اوورز میں 114 تک پہنچ سکی۔ آخر میں کنیئرڈ کلب کی عائشہ ناز کو فائنل میچ کی بہترین کھلاڑی قرار دیا گیا۔