لاہور (خصوصی رپورٹر) نیشنل ہاکی سٹیڈیم میں انٹرن شپ اور لیپ ٹاپ کی تقسیم کے لئے منعقدہ تقریب میں طلباوطالبات کا جوش و جذبہ دیدنی تھا اور وہ بار بار نوازشریف زندہ باد‘ پاکستان زندہ باد کے نعرے لگا رہے تھے۔ تقریب میں پہلی مرتبہ20 ہزار طلباوطالبات نے شرکت کی جو ایک ریکارڈ ہے۔ نوازشریف نے کہا کہ نوجوانوں کا جوش و جذبہ دیکھ کر یقین ہو گیا ہے کہ پاکستان کا مستقبل تابناک ہے ہم انشاءاللہ نوجوانوں کی صلاحیتوں سے استفادہ کرتے ہوئے پاکستان کو بحرانوں سے نکال کر خوشحالی و ترقی کی راہ پر گامزن کریں گے۔ نوازشریف نے مختلف انکلوژرز میں بیٹھے طلبا اور طالبات کے درمیان نعروں کا مقابلہ کرا کے تقریب میں مزید رنگ بھر دیا اور طلباءنے دل کھول کر ”نوازشریف زندہ باد‘ پاکستان زندہ باد“ کے نعرے لگائے۔ تقریب میں طلباوطالبات کا میاں نوازشریف کے حق میں باربار نعرے بلند کرنا اس بات کا ثبوت تھا کہ وہ اپنے قائد سے کس قدر لگاﺅ رکھتے ہیں۔ محمد نواز شریف نے بتایا کہ میں جب صبح ناشتہ کر رہا تھا کہ ہمارے گھر میں تیس سال سے زائد عرصہ سے کام کرنے والی گھریلو ملازمہ نے بتایا کہ اس کی بیٹی کو بھی آج لیپ ٹاپ مل رہا ہے۔ نواز شریف نے کہا کہ انصاف اور میرٹ ہے کہ ایک گھر میں کام کرنے والی خاتون کی بچی کو بھی میرٹ پر لیپ ٹاپ مل رہا ہے۔