ملکوال (نامہ نگار) صدر مملکت آصف علی زرداری بروز بدھ گورنمنٹ ہائی سکول ملکوال میں عید ملن پارٹی میں شرکت کریں گے۔ اسلام آباد سے سکیورٹی کے اعلیٰ افسران نے وفاقی وزیر نذر محمد گوندل کے ہمراہ ہائی سکول کا معائنہ کیا۔ تفصیلات کے مطابق گزشتہ روز صدر مملکت کی سکیورٹی ٹیم آرمی کرنل کی سربراہی میں ہیلی کاپٹر کے ذریعے گورنمنٹ ہائی سکول ملکوال آئی ان کے ہمراہ وفاقی وزیر نذر محمد گوندل اور ایم پی اے وسیم افضل چن بھی ان کے ہمراہ تھے، سکیورٹی ٹیم نے سکول اور اس کے اردگرد جگہوں کا معائنہ کیا بعد ازاں وفاقی وزیر نذر محمد گوندل اور وسیم افضل چن نے میڈیا کے نمائندوں سے گفتگو کرتے ہوئے کہا کہ پیپلز پارٹی نے تحصیل ملکوال اور پنڈ دادنخان کی عوام سے کیا گیا وعدہ دریائے جہلم پر پل کی تعمیر کا وعدہ پورا کر دیا ہے جس کا کام شروع ہو چکا ہے۔