اصغر بٹ کا انتقال، مجید نظامی کے اعزاز میں وائس چانسلر پنجاب یونیورسٹی کی طرف سے دیا جانے والا ظہرانہ ملتوی
لاہور (وقائع نگار) پنجاب یونیورسٹی کے وائس چانسلر پروفیسر ڈاکٹر مجاہد کامران کی جانب سے آبروئے صحافت اور محافظ نظریہ پاکستان مجید نظامی کے اعزاز میں آج بروز بدھ دیا جانے والا ظہرانہ مجید نظامی کے برادر نسبتی اصغر بٹ کے انتقال کے باعث ملتوی کردیا گیا ہے اور اس سلسلے میں اگلی تاریخ کا اعلان بعد میں کیا جائے گا۔ اپنے تعزیتی پیغام میں وائس چانسلر پروفیسر ڈاکٹر مجاہد کامران نے کہا اللہ تعالی مرحوم کو جوار رحمت اور ان کے اہل خانہ کو یہ عظیم سانحہ برداشت کرنے کی توفیق عطا فرمائے۔
