گوجرانوالہ (نمائندہ خصوصی) جناح سٹیڈیم میں میں وی وی آئی پیز کے ہیلی کا پٹر کی لینڈنگ کے با عث انتظا میہ نے کر اچی اور سیا لکو ٹ انڈر 19 ٹیموں کا میچ رکوا کر کھلا ڑیوں کو سٹیڈیم سے با ہر نکا ل دیا۔ جناح سٹیڈیم میں پاکستان کرکٹ بورڈ کے زیراہتمام انٹر ریجن انڈر 19 ٹورنا منٹ کے سلسلے میں کر اچی انڈر 19 بلیو اور سیا لکو ٹ کی ٹیموں کے درمیان میچ ہو رہا تھا جس میں کر اچی ٹیم کی اننگز پو ری ہو نے پر ڈسٹرکٹ انتظامیہ نے سینئر مشیر وزیراعلیٰ سردار ذوالفقار کھوسہ، آئی جی پنجاب حبیب الرحمن اور چیف سیکرٹری کی محرم الحرام میٹنگ میں ہیلی کاپٹر پر اچانک آمد کے باعث سکیورٹی خدشات کے پیش نظر میچ کو بند کروا کر تمام کھلاڑیوں کو سٹیڈیم سے باہر نکال دیا جس پر کھلاڑیوں نے شدید احتجاج کرتے ہوئے کہا ہے کہ ان کا میچ پہلے سے شیڈول تھا آج اچانک وی وی آئی پیز کی آمد کے پیش نظر میچ کو ہار جیت کے فیصلے کے بغیر ختم کرکے انہیں پولیس کے ذریعے سٹیڈیم سے با ہر نکلوا دیا ہے جوکہ سراسر زیادتی ہے۔