وہاڑی (اقبال شاہد سے) ٭ نائب وزیراعظم 2 بجکر 20 منٹ پر پنڈال میں آئے، ٭ جلسہ کی کارروائی کا آغاز سورة رحمن کی تلاوت سے کیا گیا۔ ٭ عوام کو واک تھرو گیٹ کے ذریعے گزارا گیا۔ ٭ پیپلز پارٹی کے عہدیدار و کارکنان پارٹی پرچم کے بغیر جلسہ گاہ آئے۔ 1122 وہاڑی نے چودھری پرویز الہی کی گاڑی روک کر انہیں سلیوٹ پیش کیا۔ ٭ چودھری پرویز الہی نے اپنے خطاب میں کہا کہ وزیراعلی نے گانے گائے ہیں اکیلے نہ جانا ہمیں چھوڑ کر اور خود اکیلے جدہ بھاگ جاتے ہیں اور کہتے ہیں خبر نہ ہونے دینا۔ ٭ مبصرین کے مطابق جلسہ میں 12 تا 15 ہزارلوگوں نے شرکت کی۔