لاہور (خبر نگار) پی آئی اے کے چیئر مین و سیکریٹری دفاع لیفٹیننٹ جنرل ریٹائرڈ آصف یسٰین ملک نے کہا ہے کہ پی آئی اے کے فلیٹ میں بہت جلد نئے طیارے لیز پر شامل ہو جائیں گے، ایئر لائن کے 90 فیصد مسائل کو حل کرنے میں ایک سال کا وقت لگے گا۔ قومی ایئر لائن کے کاک پٹ، کیبن کریو اور ائر کرافٹ انجینئرزسے خطاب کرتے ہوئے آصف یسٰین ملک نے مسافروں کو خصوصی اہمیت دینے اور انہیں زیادہ سے زیادہ سہولیات فراہم کرنے پر زور دیا ۔