جوہر بارو (آئی این پی) دوسرے سلطان آف جوہر جونیئر ہاکی ٹورنامنٹ میں آج پاکستانی ٹیم آخری میچ میں جرمنی کے مدمقابل ہو گی۔ ملائیشیا کے شہر جوہر بارو میں جاری ایونٹ کے ساتویں روز مزید تین میچز کھیلے جائیں گے۔ پہلا میچ پاکستان اور جرمن کے درمیان کھیلا جائےگا۔ دوسرے میچ میں میزبان ملائیشیا اور بھارت کی ٹیمیں مدمقابل ہوں گی۔ آخری میچ آسٹریلیا اور نیوزی لینڈ کے درمیان کھیلا جائیگا۔ ایونٹ میں 7پوائنٹس کے ساتھ پہلے آسٹریلیا دوسرے نمبر پر نیوزی لینڈتیسرے نمبر پر ہے۔ پاکستانی ٹیم آخری نمبر پر براجمان ہے۔