لاہور (خصوصی رپورٹر) مسلم لیگ (ن) کے مرکزی رہنما اور رکن قومی اسمبلی حنیف عباسی نے کہا ہے کہ تبدیلی محض دعوﺅں سے نہیں آسکتی۔ تبدیلی وہی لا سکتے ہیں جو ماضی میں اس کا تجربہ کر چکے ہوں اور عمران خان پہلے بھی کرپشن، مہنگائی اور لوڈشیڈنگ کے خاتمے کی بات کرتے رہے ہیں اور اب پھر مسئلہ کشمیر حل کرنے کا دعویٰ کر رہے ہیں۔ لیکن عمران خان نے اس کے طریقہ کار کی وضاحت نہیں کی۔ حنیف عباسی نے کہا کہ مسائل کی نشاندہی آسان اور ان کا حل بتانا مشکل کام ہے۔ حنیف عباسی نے کہا کہ عمران خان خوابوں کی دنیا سے باہر آجائیں۔ ان کی یہ خواہش کہ چند ماہ بعد ملک میں تحریک انصاف کی حکومت ہو گی۔ زمینی حقائق سے ناواقف شخص کی جذباتی گفتگو سے زیادہ کوئی حیثیت نہیں رکھتی۔