لاہور(آئی این پی) پاکستان کرکٹ بورڈ کی سلیکشن کمیٹی کا دورہ بھارت کیلئے کامیابی کیلئے نئی حکمت عملی پر غور‘ دورہ سری لنکا میں ناقص کارکردگی کا مظاہرہ کرنیوالے کئی کھلاڑیوں کو ”آﺅٹ“ کر دیا جائیگا۔ ذرائع کے مطابق پی سی بی کی سلیکشن کمیٹی نے یہ فیصلہ کیا ہے کہ دورہ بھارت کیلئے ون ڈے اور ٹی ٹونٹی کی ٹیم میں کھلاڑیوں کی شمولیت کے حوالے سے نئی حکمت عملی بنائی جائے گی تاکہ ٹیم میں کسی قسم کی کمی اور کوتاہی باقی نہ رہے اور اس سلسلہ میں دورہ سری لنکا کے دوران ناقص کارکردگی کا مظاہرہ کرنیوالے باﺅلرز اور بیٹسمینوں کو ٹیم سے آﺅٹ کر دیا جائیگا۔ امکان ہے کہ اس حوالے سے آئندہ چند روز تک معاملات کو حتمی شکل دی جائے گی۔