اسلام آباد (این این آئی) قطر ایشین جونیئر ٹینس چیمپئن شپ میں شرکت کیلئے پاکستان انڈر 14 کے انتخاب کیلئے قومی جونیئر کھلاڑیوں کے اوپن ٹرائلز 22 نومبر کو پی ٹی ایف ٹینس کمپلیکس اسلام آباد میں ہوںگے۔ یکم جنوری 1998ءسے 31 دسمبر2000ءکے درمیان پیدا ہونے والے کھلاڑیوں کے ٹرائلز میں حصہ لے سکتے ہیں۔ خواہشمند حضرات کو ہدایت کی گئی ہے کہ وہ 22 نومبر کی صبح پی ٹی ایف ٹینس کمپلیکس میں رپورٹ کریں۔ واضح رہے کہ ایشین ٹینس جونیئر کپ قطر میں 24 سے 30دسمبر تک منعقد ہوگی۔