پاک فضائیہ کے سربراہ سے سابق عالمی سکواش چیمپئن جان شیر خان کی ملاقات
اسلام آباد (اے پی پی) پاک فضائیہ کے سربراہ اور پاکستان سکواش فیڈریشن کے صدر ایئر چیف مارشل طاہر رفیق بٹ سے پیر کو سکواش کے سابق عالمی چیمپئن جان شیر خان نے ملاقات کی۔ ائر ہیڈکوارٹر میں ہونے والی ملاقات میں ڈائریکٹر سکواش کورٹس محب اللہ خان بھی موجود تھے۔ اس موقع پر پاکستان میں سکواش کے متعلق معاملات پر تبادلہ خیال کیا گیا۔ پاکستان سکواش فیڈریشن کے صدر نے ملک میں سکواش کے فروغ کےلئے جان شیر خان کی خدمات کو قابل قدر قرار دیا اور ان کا شکریہ ادا کیا۔ جان شیر خان نے پاکستان سکواش فیڈریشن کے منصوبوں بشمول بہترین کھلاڑیوںکوامریکہ بھجوانے، تعلیمی پروگرام اور غیرجانبدار مقامات پر میچوں کے انعقاد کی تعریف کی اور کہا کہ پاکستان سکواش فیدڑیشن کے صدر ائرچیف مارشل طاہر رفیق بٹ قیادت میں بین الاقوامی سکواش کو پاکستان واپس لانے کی کوششیں کامیاب ہوں گی۔
