اسلام آباد (ثناءنیوز) تحر یک انصاف کے سیکرٹری اطلاعات شفقت محمود نے کہا ہے کہ سابق صدر جنرل (ر) پرویز مشرف نے اقتدار کی رخصتی کے بعد خوابوں کی دنیا میں رہنا شروع کر دیا ہے ان کو کیسے خیال آیا کہ پی ٹی آئی ان کے ساتھ اتحاد قائم کر لے گی۔ان خیالات کا اظہار انہوں نے سابق صدر کے پی ٹی آئی کے ساتھ انتخابی اتحاد قائم کرنے کے حوالے سے دیئے گئے بیان کے ردِعمل کے طور پر کیا۔انہوں نے کہا کہ سابق آمر نے قوم کواین آر او جیسے کالے قانون کا تحفہ دینے کے ساتھ ساتھ ملک سے جمہوری عمل کو بھی ختم کر دیا تھا بلکہ انہوں نے میڈیا اور عدلیہ کی آزادی کو بھی صلب کیا تھا۔انہوں نے کہا کہ سابق صدر کے بہت سے اقدامات عوامی مفاد کے خلاف تھے۔