زغرب (آن لائن) کروشیا کی عدالت نے سابق وزیراعظم ایوو سنادر کو بدعنوانی کے الزام میں دس سال قید کی سزا سنائی ہے۔ پراسیکیوٹر کے مطابق فرد جرم عائد کرتے ہوئے کہا گیا ہے کہ سنادر نے دو ہزار آٹھ میں ہنگری کی ایک کمیٹی سے پانچ ملین یورو رشوت وصول کی علاوہ ازیں اس نے آسٹریلوی بینک سے بھی رقم وصول کی، سابق وزیراعظم کو بدعنوانی کے الزام میں سزائے قید سے آئندہ سال جولائی میں کروشیا کی یورپی یونین میں شرکت پر کئی سوالات جنم لے سکتے ہیں۔