راولپنڈی (نوائے وقت نیوز + آئی این پی) چیف آف آرمی سٹاف جنرل اشفاق پرویز کیانی سے امریکی سفیررچرڈ اولسن نے جی ایچ کیو میں ملاقات کی جس میں دوطرفہ دلچسپی کے امور پر تبادلہ خیال کیاگیا۔ ملاقات میں خطے خصوصاً افغانستان کی صورتحال بھی زیربحث آئی جبکہ امریکی سفیر نے دہشت گردی کے خلاف جنگ میں پاک فوج کی قربانیوں کوسراہا۔ آئی ایس پی آر کے مطابق سفارتی ذمہ داریاں سنبھالنے کے بعد امریکی سفیر نے جنرل کیانی سے پہلی باضابطہ ملاقات کی۔ دفاعی ذرائع کے مطابق پاکستان امریکہ دفاعی تعلقات ملاقات میں زیر غور آئے۔ مزید برآں جنرل کیانی سے برطانوی چیف آف ڈیفنس سٹاف جنرل سر ڈیوڈ رچرڈ سے بھی ملاقات کی۔ آئی ایس پی آر کے مطابق ملاقات میں باہمی دلچسپی کے امور پر تبادلہ خیال کیا گیا۔