کینبرا (ثناءنےوز) پاکستان آرمڈ فورسز کی کرکٹ ٹیم نے انٹرنیشنل ڈیفنس چیلنج کپ کرکٹ ٹورنامنٹ کا فائنل کھیلنے کا اعزاز حاصل کر لیا ہے،آسٹریلیا کے دارالحکومت کینبرا میں سیمی فائنل میں پاکستان نے رائل آسٹریلین ائیر فورس کی ٹیم کو 8 وکٹوں سے ہرا دیا۔رائل آسٹریلین ائیر فورس کی ٹیم95 رنز بنا کر آوٹ ہو گئی۔سمیع اللہ نے تین جبکہ نصر اقبال اور شاہد خان نے دو دو کھلاڑیوں کو آوٹ کیا۔پاکستان آرمڈ فورسز کی ٹیم نے ہدف نویں اوور میں دو وکٹوں کے نقصان پر حاصل کر لیا۔ میر زمان نے 61 اور فخر زمان نے 22 رنز سکور کئے۔ ٹیم منیجر کرنل آصف زمان نے کہا کہ امید ہے کہ آج کھیلے جانے والے فائنل میں بھی کامیابی حاصل کر لیں گے۔