قومی جوڈو چمپئن شپ 10 دسمبر سے کراچی میں شروع ہو گی
کراچی (این این آئی) پاکستان جوڈو فیڈریشن (پی جے ایف) کے زیراہتمام قومی جوڈو چمپئن شپ 10 دسمبر سے کراچی میں شروع ہو گی۔ چمپئن شپ میں ملک بھر کے تمام صوبوں سمیت ڈیپارٹمنٹس کی ٹاپ ٹیمیں آرمی، واپڈا اور ریلوے ٹائٹل کے حصول کےلئے قسمت آزمائی کریں گی۔ چمپئن شپ کے بعد نمایاں کارکردگی کا مظاہرہ کرنےوالے کھلاڑیوں کو آئندہ سال شیڈول ساﺅتھ ایشین گیمز کےلئے قومی ٹیم میں شامل کیا جائے گا۔
