لندن (اے پی پی) پاکستانی سکوائش کھلاڑی ناصر اقبال لندن اوپن سکوائش ٹورنامنٹ کے مینز سنگلز کے کوارٹرفائنل میں پہنچ گئے۔ ناصر نے پری کوارٹرفائنل میں حریف انگلش کھلاڑی کو زیر کیا۔ ناصر اقبال نے پری کوارٹر فائنل میں انگلش کھلاڑی چارلس شارپس کو سخت مقابلے کے بعد 3-2 سیٹ سے ہرا کر کوارٹر فائنل میں جگہ بنائی۔ پہلے دونوں سیٹس میں چارلس 11-9 اور 14-12 سے کامیاب رہے لیکن ناصر نے تیسرا سیٹ 11-1 سے جیت کر میچ میں جاندار کم بیک کیا اور اگلے دونوں سیٹس میں 11-5 اور 11-4 سے کامیابی حاصل کر کے کوارٹر فائنل میں جگہ بنائی۔ کوارٹرفائنل میں ناصر اقبال کا مقابلہ برطانیہ کے روبی ٹیمپل سے ہو گا۔