اسلام آباد (اے پی پی) پاکستان جوڈو فیڈریشن (پی جے ایف) نے انٹرنیشنل ایونٹس کےلئے تین جوڈوکاز کا اعلان کر دیا ہے۔ انٹرنیشنل ایونٹس چین، جاپان اور کوریا میں منعقد ہوں گے۔ پی جے ایف کے سیکرٹری مسعود احمد نے امید ظاہر کی ہے کہ کھلاڑیوں کےلئے تین ایونٹس میں شرکت کا تجربہ ساﺅتھ ایشین گیمز کی تیاری میں فائدہ مند ثابت ہو گا۔ شاہ زیب، شاہ حسین اور کرامت بٹ انٹرنیشنل ایونٹس میں ملک کی نمائندگی کریں گے۔