حافظ آباد (نمائندہ نوا ئے وقت) عالمی تنظیم اہلسنت پاکستان کے مرکزی ناظم اعلیٰ علامہ ضیاءاللہ قادری نے کہا ہے کہ مسلمانان عالم کو چاہیئے کہ وہ اسوہ حسینیؓ کو مینارہ نور بناتے ہوئے دین اسلام کے خلاف کی جانے والی تمام سازشوں کا قلع قمع کر ڈالیں۔ یہاں تنظیم کے کارکنان کے اجلاس سے خطاب کرتے ہوئے انہوں نے کہا کہ اس وقت غیر مسلم طاقتیں مسلمانوں کو صفحہ ہستی سے مٹانے کیلئے متحد ہو کر انکے خلاف دنیا بھر میں سازشوں میں مصروف ہیں۔ ان حالات میں مسلمانان عالم کو اپنی صفوں میں اتحاد پیدا کر کے ان کے ناپاک اور مزموم عزائم کو خاک میں ملا دینا چاہئے۔ انہوں نے کارکنوں پر زور دیا کہ وہ عاشورہ کے موقع پر شرپسند عناصر پر کڑی نظر رکھیں۔